जनादेश, काठमाण्डौ । एमाले वरिष्ठ नेता माधव नेपालसहित चार जना नेताहरुले दायर गरेको रिट निवेदनमाथि आज सुनुवाइ नगरी इजलास अन्त्य भएको छ । सर्वोच्चका न्यायाधीश प्रकाश ढुंगानाको एकल इजलासमा पेशी तोकिए पनि ‘हेर्न नभ्याइने’मा राखिएको हो ।
वैशाख ९ गते नेता नेपालसहित भीम रावल, घनश्याम भुसाल र सुरेन्द्र पाण्डेले ओली पक्षले एकलौटी रुपमा गरेका निर्णय खारेजीको माग गर्दै रिट दिएका थिए।
निवेदनमा आफूहरुसहित २८ जना संघीय संसदको सदस्यसमेत रहेका नेताहरुमाथि गर्न लागिएको कारबाही रोक्न माग गरिएको छ।
उक्त रिटको आइतबार पहिलो पेशी न्यायाधीश ढुंगानाको इजलासमा प्रधानन्यायाधीश चोलेन्द्र शमशेर राणाले तोकेका थिए । पेशी सूची लामो भएको र त्यसको पनि अन्तिममा परेकाले आइतबार सुनुवाइ हुन नसकेको अदालतले जनाएको छ ।