जनादेश स्पोर्ट्स ।
चेन्नई सुपर किङ्स फेरि इन्डियन प्रिमियर लिग (आईपीएल)को अंक तालिकामा शीर्ष स्थानमा उक्लिएको छ। दिल्लीमा बुधवार राति भएको खेलमा सनराइजर्स हैदरावादलाई ७ विकेटले पराजित गर्दै चेन्नई शीर्ष स्थानमा फर्किएको हो ।
टस जितेर पहिले ब्याटिङ गरेको गरेको हैदरावादले २० ओभरमा तीन विकेट गमाउँदै १७१ रन बनाएको थियो। १७२ रनको लक्ष्यसहित जवाफी ब्याटिङमा उत्रिएको चेन्नईले १८ ओभर ३ बलमा मात्र ३ विकेट गुमाएर पूरा गर्यो।
चेन्नईको जितमा रुतुराज गायकवाड र फाप डु प्लेसिसले अर्धशतकीय पारी खेले। गायकवाडले ७५ रन बनाउँदा प्लेसिसले ५६ रन बनाए।हैदरावादका राशिद खानले ३ विकेट लिएका थिए।
हैदरावादका लागि मनिस पाण्डेले ६१ रनको अर्धशतकीय पारी खेल्दा कप्तान डेभिड वार्नरले ५७ रन बनाउका थिए।चेन्नईका लुंगी एनजिडीले २ तथा साम कुरनले १ विकेट लिएका थिए।
जितसँगै चेन्नई ६ खेलबाट १० अंकसहित तालिकाको शीर्ष स्थानमा पुगेको छ। समान ६ खेल खेलेको हैदरावादको यो पाँचौ हार हो। हैदरावाद २ अंकसहित लिग तालिकाको अन्त्यमा छ।