चन्द्रप्रकाश नेपाली,
घोराही। दाङमा यस बर्ष एक सय ६० हेक्टर क्षेत्रफलमा विभिन्न खाले बिरुवा रोपिएको छ ।
डिभिजन वन कार्यालय दाङका अनुसार घोराही, तुलसीपुर, बंगलाचुली, बबई, शान्तिनगर र दंगिशरण पालिकाको विभिन्न स्थानका एक सय ६० हेक्टर क्षेत्रफलमा विरुवा रोपिएको हो ।
उक्त क्षेत्रमा वन जन्य विरुवा, फलफूल र जडिवुटी गरी ४ लाख विरुवा राप्ने लक्ष्य लिएको डिभिजन प्रमुख दीपक ज्ञवालीले जानकारी दिनुभएको छ । वन जन्य बिरुवा सवा दुईलाख, फलफुल जन्य ७५ हजार र जडिबुटीका एक लाख विरुवा रोपिएको छ ।
यसैविच वन कार्यालयले २० बढी स्थानमा करिब एक सय हेक्टर वगरमा बृक्षारोपण गरिएको छ । नदी तथा खोल किनारका बगरलाई वन बनाउने उदेश्यले विभिन्न खाले बिरुवाहरु रोपिएको डिभिजन प्रमुख ज्ञवालीले जानकारी दिनुभयो ।
वन कार्यालयले यस बर्ष टीमू्रका झण्डै एक लाख बिरुवा वितरण गरेको छ । त्यस्तै मालगेडी र डालचिनी व्यवसायीकरुपमा उत्पदान गर्ने उदेश्यले रोपण गरिएको वन कार्यालयको भनाई छ ।
