जनादेश स्पोर्ट्स ।
फ्रेन्च क्लब पेरिस सेन्ट जर्मेन (पिएसजी) लाई स्तब्ध पारेर म्यानचेस्टर सिटीले च्याम्पियन्स लिग फुटबलको फाइनलमा स्थान पक्का गरेको छ ।
इंग्लिस क्लब म्यानचेस्टर सिटी पहिलेपटक च्याम्पियन्स लिगको फाइनलमा पुगेको हो । मंगलबार राति भएको सेमिफाइनलको दोस्रो लेगमा पिएसजीलाई २–० ले पराजित गरेको सिटी समग्रमा ४–१ को जितसहित उपाधि भिडन्तमा पुगेको हो ।
अवे मैदानमा भएको पहिलो लेगमा म्यानचेस्टर सिटी २–१ ले विजयी भएको थियो ।
घरेलु मैदानमा भएको दोस्रो लेगमा सिटीलाई जिताउने क्रममा दुवै गोल रियाद महरेजले गरेका हुन् ।
महरेजले ११ र ६३ औँ मिनेटमा गोल गरेका हुन् । पछि परेको पिएसजी चोटका कारण खेल्न नसकेका केलियन एमबाप्पे बिना थियो । ६९ औँ मिनेटमा एन्जल डी मारिया सीधै रातो कार्ड पाएर मैदानबाट बाहिरिएपछि १० खेलाडीमा सीमित भयो ।
म्यानचेस्टर सिटीले आउँदो मे २९ मा स्थानबुलमा हुने फाइनलमा चेल्सी वा रियल मड्रिडसँग प्रतिस्पर्धा गर्नेछ ।