जनादेश, दाङ ।
लुम्बिनी प्रदेशसभा सदस्य अमरबहादुर डाँगीले पदबाट राजीनामा दिएका छन् । डाँगीले बुधबार प्रदेशसभा सचिवालयमा राजीनामा पत्र बुझाएको प्रदेशसभा सचिवालयले जनाएको छ ।
डाँगी नेकपा एमालेको तर्फबाट दाङको निर्वाचन क्षेत्र नम्बर–२ (ख) बाट लुम्बिनी प्रदेशसभा सदस्यमा निर्वाचित भएका थिए । माधवकुमार नेपाल पक्षधर मानिने डाँगीले मंगलबार नै मुख्यमन्त्री शंकर पोखरेलको साथ छोडेका थिए ।