अन्तर्राष्ट्रिय अपडेट ।
टोकियो ओलम्पिकको बुधबारको खेल सकिँदा आयोजक जापानले अग्रता लिएको छ । जिम्न्यास्टिकको पदक स्वर्ण जितेर जापानले १३ स्वर्णसहित अग्रता लिएको हो । चीनको १२ र अमेरिकाको ११ स्वर्ण पदक छ ।
बिहान टुङ्गो लागेको ११ मध्ये अस्ट्रेलियाले तीन स्वर्ण जितेको थियो । रोइङको महिला डबल्स स्कल्समा रुमानियाले स्वर्ण, न्युजिल्यान्डले रजत र नेदरल्यान्ड्सले कांस्य पदक पाए । यसैगरी, पुरुषको स्पर्धामा फ्रान्सले स्वर्ण, नेदरल्यान्ड्सले रजत तथा चीनले कांस्य पदक जिते ।
फोर फाइनलको महिलामा अस्ट्रेलियाले स्वर्ण, नेदरल्यान्ड्सले रजत र आयरल्यान्डले कास्य पदक जिते । यसैको पुरुष स्पर्धामा अस्ट्रेलियाले स्वर्ण, रुमानियाले रजत र इटालीले कांस्य पदक जिते ।
यसैको पुरुष स्पर्धामा अस्ट्रेलियाले स्वर्ण, रुमानियाले रजत र इटालीले कास्य पदक जिते ।
क्वार्डल्सको पुरुषमा नेदरल्यान्ड्सले स्वर्ण, बेलायतले रजत र अस्ट्रेलियाले कास्य पदक जिते । यसैको महिला स्पर्धामा चीनले स्वर्ण, पोल्यान्डले रजत र अस्ट्रेलियाले कास्य पदक जिते ।
चीनको यो स्वर्ण नै अंक तालिकामा अग्रता कायम राख्न सबैभन्दा सहयोगी भयो । बुधवार चीनले जितेका अन्य दुई स्वर्ण उसको बलियो पकड रहेको खेलमा थिए ।
पौडीको महिला २०० मिटर फ्रिस्टाइलमा अस्ट्रेलियाकी एरियन टिटमसले स्वर्ण पदक जितिन् । हङकङकी सिमानो आउजीले रजत र क्यानडाकी पेनी ओलस्काले कास्य पदक जिते ।
पुरुष २०० मिटर बटरफ्लाइमा हङ्गेरीका क्रिस्टोफर मिलाकले स्वर्ण, जापानका टोमारु हन्डाले रजत र इटालीका फेबड्रको बार्डुसिइलोले कांस्य पदक जिते ।
महिला २०० मिटर मेड्लीमा जापानकी याही युहासीले स्वर्ण, अमेरिकाकी एलेक्स वाल्सले रजत र अमेरिकाकै क्याटी डगलसले कांस्य पदक जिते । याहुसीले ४ सय मिटरमा पनि स्वर्ण पदक जितेकी थिइन् ।
महिला १५०० मिटर फ्रिस्टाइलमा अमेरिकाकी केटी लेडकीले स्वर्ण पदक जितिन् । यसैगरी, अमेरिकाकै एरिका सुलेभानले रजत र जर्मनीकी सारहना कोहलरले कास्य पदक जिते ।
पुरुष ४ गुणा २ सय मिटर फ्रिस्टाइलमा बेलायतले स्वर्ण पदक जितेको छ । यसैगरी रुस ओलम्पिक कमिटीले रजत रअस्ट्रेलियाले कास्य पदक जिते ।
पुरुषको जिम्न्यास्टिकको अलराउन्डमा डाइकी होसीमोतोले स्वर्ण, चीनका झाओ रोयटेटिङले रजत र रुस ओलम्पिक कमिटीका निकिता नागरोनीले कास्य पदक जिते ।
साइक्लिङको महिला टाइम ट्रायलमा भान भुलेटान अनामेकले स्वर्ण, स्विट्जरल्यान्डका मार्लेन रुसायरले रजत र नेदरल्यान्ड्सका भान डेर ब्रेगनले कास्य पदक पाए । यसैगरी पुरुष स्पर्धामा स्लोभानियाका रौगलिक प्रिमोजले स्वर्ण, नेदरल्यान्ड्सका टम डमलनले रजत र अस्ट्रेलियाका डेनिस रोहनले कास्य पदक जिते ।
जुडोको महिला ७० किलो तौल समूहमा जापानका चिजारु अराइले स्वर्ण र अस्ट्रियाकी मिचेला पोलर्सले रजत पदक जिते । रुसी ओलम्पिक कमिटीकी टाटियामोजा माडोभा र नेदरल्यान्ड्सकी भान डिन्केले कास्य पदक जिते ।
जुडोकै पुरुषको ९० किलोमा जर्जियाक लासा बेकुरीले स्वर्ण र जर्मनीका ट्रिपल एवार्डले रजत पदक जिते । हङ्गेरीका क्रिस्चियन टोथ र उज्बेकिस्तानका बोबोतोभ डालाभले कास्य पदक जिते ।
फेन्सिङको पुरुष टिम साब्रेमा दक्षिण कोरियाले स्वर्ण र इटालीले रजत पदक जिते । हङ्गेरीले कास्य पदक जित्यो । डाइभिङको पुरुष ३ मिटर स्प्रिङ बोर्डमा चीनले स्वर्ण, अमेरिकाले रजत र जर्मनीले कास्य पदक पाए ।
महिलाको थ्री बाइ थ्री बास्केटबलमा रुस ओलम्पिक कमिटीलाई फाइनलमा हराउँदै अमेरिकाले स्वर्ण पदक जित्यो । चीनले कास्य पदक जित्यो ।
इक्वेस्ट्रियनको ड्रसेज ग्रान्डप्रिक्स फ्रिस्टाइलमा जर्मनीकी जेसिका ब्रेडोले स्वर्ण, जर्मनीकै इसोबल वर्थले रजत र बेलायतकी डुजाराडिन चार्लोटले कास्य पदक जिते ।
भारोत्तोलनको ७३ किलो तौल समूहमा चीनका सी झियोङले स्वर्ण, भेनेजुएलाका जुलियो रुबोन मारियाले रजत र बुल्गेरियाका बोझिदर डिमीट्रोभले कास्य पदक जिते ।
सिमोन वाइल्सले अलराउन्ड स्पर्धाबाट पनि हात झिकेपछि अमेरिकालाई थप धक्का लागेको छ । एक दिनअघि भोल्टमा प्रतिस्पर्धा गरिरहेकी उनले हात झिकेकी हुन् । बाँकी रहेका तीन स्पर्धामा उनको सहभागिताबारे थप स्वास्थ्य परीक्षणपछि मात्र टुङ्गो लाग्ने जनाइएको छ ।
यस ओलम्पिकमा इतिहासमै पहिलो पटक चौपक्षीय प्रतिस्पर्धाको लक्षण देखापरेको छ । धेरै वटा ओलम्पिकमा पहिलो स्थानमा रहेको अमेरिका यो ओलम्पिकमा सङ्घर्ष गरिरहेको छ ।
यसैगरी, आफ्नै देशमा सन् २००८ मा आयोजित प्रतियोगितामा शीर्ष स्थान पाएको चीन २०१६ मा आइपुग्दा खराब अवस्थामा रहेको थियो । आयोजक जापानले भने इतिहासमै पहिलो पटक उत्कृष्ट प्रदर्शन गरिरहेको छ ।
गएको वर्ष भएको कोरोना महामारीको असर यस ओलम्पिकमा प्रस्ट देखिएको छ । महामारीको असर बढी सहने देशले यस खेल महोत्सवमा विगतको भन्दा कमजोर प्रदर्शन गरिरहेका छन् ।
–एजेन्सीहरूको सहयोगमा
