जनादेश स्पोर्ट्स ।
पोर्चुगलका सुपर स्टार क्रिस्टियानो रोनाल्डो सर्वाधिक गोलकर्ता बनेका छन्। इरानका प्रसिद्ध फुटबल खेलाडी अली दाईको १५ वर्षदेखिको कीर्तिमान तोड्दै रोनाल्डोले कीर्तिमान आफ्नो नाममा बनाएका हुन् ।
विश्व कप छनोटको समूह ‘ए’ अन्तर्गत बुधबार राति आयरल्यान्डविरुद्ध ८९औं मिनेटमा गोल गरेसँगै रोनाल्डोले इरानी महान् खेलाडी अलीले बनाएको १ सय ९ गोलको कीर्तिमान तोडेका हुन्।
पोर्चुगलको स्टाडियो अल्गार्भमा बुधबार रातिको खेलमा रोनाल्डोले अन्तर्राष्ट्रिय फुटबलमा सर्वाधिक १ सय १० गोलको कीर्तिमान बनाएका हुन्।
जुलाईमा भएको यूईएफए युरो २०२० को समूह चरणको अन्तिम खेलमा फ्रान्सविरुद्ध पेनाल्टीमा गोल गर्दै ३६ वर्षीय रोनाल्डोले दाईसँग कीर्तिमान बराबर बनाएका थिए।
