जनादेश, काठमाडौँ ।
नेकपा एमालेका अध्यक्ष केपी शर्मा ओलीले १४ सांसदमाथिको कारबाही नभएको र माधव नेपालकाे नयाँ पार्टी दर्ताविरुद्ध दायर गरेको रिटमा सर्वोच्च अदालतले सक्कल फाइल मागेको छ।
सर्वोच्च अदालतले नेकपा (एकीकृत समाजवादी) दर्ता गर्दाका सक्कल कागजात माग गरेको हो। एमाले अध्यक्ष ओलीले उक्त पार्टी खारेजीको माग गर्दै दायर गरेको रिटमाथि सुनुवाइ गर्दै न्यायाधीश दीपककुमार कार्की र कुमार चुडालको संयुक्त इजलासले आयोगले दल दर्ता गर्दाका भदौ ९ गते भएको निर्णयसम्बन्धी सक्कल फाइल झिकाउन आदेश दिएको हो।
यस्तै १४ सांसदलाई कारबाही नगर्ने गरी भएको सभामुखको भदौ १३ गतेको निर्णय पनि संसद सचिवालयबाट झिकाउन आदेश दिएको छ।