काठमाडौं ।
नेकपा एकीकृत समाजवादीको केन्द्रीय कमिटी पुनर्गठनसँगै असन्तुष्टी बढेको छ । केन्द्रीय कमिटीका केही असन्तुष्ट नेताले मापदण्ड तथा विधि पद्दतिलाई बेवास्ता गरिएको भन्दै असन्तुष्टी जनाएका छन् ।
अनेरास्ववियूका अध्यक्ष सुदेश पराजुलीले केन्द्रीय कमिटी गठनमा असन्तुष्टी जनाउँदै सामाजिक सञ्जालमा आक्रोश व्यक्त गरेका छन् ।
“जसले संगठन नै बुझेको छैन । सांगठनीक संरचना विधि पद्धती नै बुझेको छैन त्यस्ता व्यक्तिलाई केन्द्रीय कमिटीमा छनोट गरियो,” पराजुलीले भने,“ अनेरास्ववियूमा रहेर लामो समय योगदान गरेको पनि कमिटीमा समेटिएको छैन । संगठन नै नबुझेकालाई लगेर विधि, पद्धति मिच्न मिल्दैन ।”