काठमाडौँ ।
चर्चित गायक योगेश्वर अमात्यको १२ बिगाहा जग्गाको नक्कली लालपुर्जा बनाई १९ करोड रुपैयाँ ठगी गरेका चार जनालाई प्रहरीले पक्राउ गरेको छ ।
अमात्यको बारामा रहेको १२ बिगाहा जमिनको नक्कली कागजात बनाइ बैंकबाट ऋण निकालेको आरोपमा कुमारी बैंकका कर्मचारीसहित ४ जना प्रहरीले पक्राउ गरेको हो । पक्राउ पर्नेमा कुमारी बैंक पर्सा शाखाका जुनियर असिस्टेन्ट सोनु ठाकुर, जग्गाका मूल्याङ्कनकर्ता राजेश्वर चौरसिया, मुक्तिनाथ गौतम र एसकुमार महर्जन रहेका छन् ।
जग्गा ठगी गरेको थाहा पाएलगत्तै अमात्यले केन्द्रीय अनुसन्धान ब्युरो ९सीआईबी० लाई खबर गरेका थिए । हाल पक्राउ परेका चार जनामाथि अनुसन्धान भइरहेको ब्यूरोले जानकारी दिएको छ ।
