काठमाडौँ ।
नेपालगञ्ज विमानस्थलमा अवतरणको क्रममा बुद्ध एयरको एब्रो जहाज स्यालसँग ठोक्किएको छ । काठमाडौंबाट नेपालगन्जका लागि उडेको सो जहाज बुधबार साँझ अवतरणको क्रममा स्यालसंग ठोकिएको बुद्ध एयरले जानकारी दिएको छ ।
बिहीवार एक विज्ञप्ति जारी गर्दै बुद्ध एयरले सो दुर्घटनामा कुनै प्रकारको मानवीय क्षति नपुगेको जनाएको छ । त्यस्तै, जहाजमा भने सामान्य क्षति पुगेको छ ।
नेपालगञ्ज विमानस्थलमा यस किसिमका दुर्घटना बारम्बार देखिरहेको जनाउँदै बुद्ध एयरले सम्बन्धित सबै निकायहरुको गम्भिर ध्यानाकर्षण गराएको छ ।
‘नेपालगञ्ज विमानस्थलमा यस किसिमको दुर्घटना पहिला पनि भएको र हाल बारम्बार देखिएको हुँदा सम्बन्धित सबै निकायहरुको गम्भिर र ध्यानाकर्षण गराउन चाहन्छौं । भविष्यमा यस किसिमको दुर्घटना दोहरिन नदिन सबै उपायहरु अवलम्वनका लागि पनि अनुरोध गर्दछौं’, विज्ञप्तिमा उल्लेख छ ।
