नेपाल आयल निगमले संचित रकम सकिएपछि तेल किन्न ऋण लिनुपर्ने अवस्था आएको जनाएको छ। निगमले एक विज्ञप्ति जारी गर्दै थप पेट्रोलिय पदार्थ खरिद गर्न तत्कालै २ अर्ब रुपैयाँ अभाव देखिएको जनाएको हो ।
अन्तर्राष्ट्रिय बजारमा बढेअनुसार नेपाली बजारमा पेट्रोलिय पदार्थको मूल्य समायोजना नगर्दा निगमले निरन्तर घाटा ब्यहोर्नु परेको विज्ञप्तिमा उल्लेख छ ।
इन्डियन कर्पोरेसनबाट आइतबार प्राप्त नयाँ मूल्यअनुसार निगमले मूल्य समायोजन नगरेमा आगामी १५ दिनमा थप दुई अर्ब २४ करोड घाटा हुने र माघ १७ गतेसम्म २१ अर्ब ५० करोड घाटा बेहोर्नुपर्ने बताएको छ ।
‘निगमसँग संचित बचत शून्यको अवस्थामा पुगेकाले इण्डियन आयल कर्पोरेशनलाई आगामी २३ जनवरी २०२२ मा गर्नुपर्ने भुक्तानीका लागि करिब २ अर्ब अपुग हुने स्थित देखिएको छ ‘ विज्ञप्तिमा उल्लेख छ,’ आउँदा दिनमा केही मूल्य समायोजन गरिए तापनि महिनाको करिब ४ अर्ब रुपैयाभन्दा बढी मासिक घाटा रहि रहने देखिएको हुँदा आगामी घ महिनासम्मको लागि देशभर पेट्रोलियम पदार्थको आपूर्ति व्यवस्था सहज बनाइ राख्न हालको खरिद मूल्य अनुसार निगमलाई न्यूनतम करिब १२ अर्ब रुपैयाँको आवश्यकता पर्ने देखिको छ । ‘