अस्ट्रेलियाले विद्यार्थी भिसामा आउने विद्यार्थीले काम गर्नेसम्बन्धी नियम खुकुलो पारेको छ।
अस्ट्रेलियाली प्रधानमन्त्री स्कट मरिसनले विद्यार्थी भिसामा आएकाहरुलाई प्रतिहप्ता २० घण्टा मात्रै काम गर्न पाउने नियम परिवर्तन भएको बताएका हुन्। उनका अनुसार अब अस्ट्रेलियामा रहेका बाहिरका विद्यार्थीले हप्तामा २० घण्टाभन्दा बढी काम गर्न पाउनेछन्। कार्यबल चुनौतीलाई सामना गर्न भिसा आवेदनमा समेत मरिसनले छुटको घोषणा गरेका छन्।
यसअनुसार आजदेखि नै अस्ट्रेलिया आइपुग्ने विद्यार्थीको भिसा आवेदन शुल्क छुट हुने भएको छ। यो नियम आगामी आठ हप्ताका लागि रहनेछ। आवेदन शुल्क अहिले ६३० डलरजति रहेको छ। यसबाट एक लाख ५० हजार विद्यार्थी लाभान्वित हुन सक्नेछन्।
