जनादेश अपडेट।
कोरोनाको तेस्रो लहर बढ्दै गएपछि सरकारले यातायातका साधनमा लागू गरेको जोरबिजोर प्रणालीले भिडभाड केही घटेको छ । शनिवारबाट उपत्यकामा जोरबिजोर प्रणाली लागु गरिएको हो। आइतबारबाट जोरबिजोर प्रणालीमा थप कडाइ गर्ने प्रशासनको तयारी छ ।
जोरबिजोर प्रणाली कार्यान्वयनका लागि प्रहरीले उपत्यकाभित्र ठाउँ ठाउँमा चेक प्वाइन्ट बनाएको छ । काठमाडौंमा मात्रै यस्ता २६ भन्दा धेरै प्वाइन्ट बनाएको प्रहरीले जनाएको छ ।
ट्राफिक प्रहरीसँगको सहकार्यमा बनाइएको चेक प्वाइन्टमा शनिबार छिटपुटबाहेक कुनै पनि यातायातका साधनलाई नियन्त्रणमा लिइएन । पहिलो दिन भएकाले सम्झाएर पठाएको, तर आइतबारदेखि कडाइ गर्ने प्रहरीको भनाइ छ ।