घोराही,
प्रदेश ५ का मुख्यमन्त्री शंकर पोख्रेलले सरकारले तय गरेका बजेट कार्यक्रमलाई निर्धारीत समयमै कार्यान्वयनमा ल्याउन स्थानिय जनप्रतिनिधीहरुलाई निर्देशन दिनुभएको छ ।
जिल्ला समन्वय समिति दाङको चौथो जिल्ला सभाको आज घोराहीमा उद्घाटन गर्दै मुख्यमन्त्री पोख्रेलले कुनै पनि कार्यक्रम र बजेट फिर्ता नहुने गरी समयमै गुणस्तरीय ढंगले काम सक्ने योजना बनाउन स्थानिय तहका जनप्रतिनिधीहरुलाई निर्देशन दिनुभएको हो ।
सरकारले तय गरेका कार्यक्रम र बजेटलाई आफ्नै सम्पत्ती हो भन्ने गराउने गरी नागरिकहरुलाई विकासमा सहभागि गराउन उहाँले सुझाब दिनुभयो । जिम्मेवारी लिएकाहरुले समयमै काम नगर्ने र राजनितिक संरक्षण दिने प्रबृत्ती अत्यन्त घातक हुने भन्दै नागरिक सहभागिता अनिवार्य गराउन आग्रह गर्नुभयो ।
साथै मुख्यमन्त्री पोख्रेलले राप्ती स्वास्थ्य बिज्ञान प्रतिष्ठानले कोरोना संकटका बेला परिक्षण रोकेर अपराध गरेको टिप्पणि गर्नुभयो । सेवामा गुणस्तरीयता, शैक्षिक कार्य प्रारम्भ गर्ने समयमा व्यापार तर्फ प्रतिष्ठान लागेको र पैसा मागेर परिक्षण गराउने सोचले ल्याब ठप्प पार्नु महाअपराध भएको टिप्पणि गर्नुभएको हो ।
