म्यादी प्रहरी भएको भन्दै टिकटकमा भिडियो पोस्ट गर्ने एक युवकलाई प्रहरीले पक्राउ गरेको छ । पक्राउ पर्नेमा कपिलवस्तु बाणगंगा नगरपालिका १ पिपरा बस्ने १६ वर्षीय नवराज रेग्मी रहेका छन् ।
टिकटक भिडियोमा उनले म्यादी प्रहरीको पोशाकमा साथीहरूलाई गाँजा सेवन गर्न र कसैसँग नडराउन भनेका छन् । प्रहरीका अनुसार सो भिडियो बनाउने रेग्मी भने म्यादी प्रहरी होइनन् । उनले दाइ नाता पर्ने १९ वर्षीय पूरण भट्टराईको पोसाक लगाएर भिडियो बनाएको अनुसन्धानमा खुलेको प्रहरीले बताएको छ ।
