त्रिभुवन विश्वविद्यालयले आइतबार पनि पठनपाठन जारी रहने जनाएको छ ।
आइतबार एक सुचना जारी गर्दै टियूले कोभिडका कारण शैक्षिक पात्रो ढिलो भएको र पठनपाठन तथा परिक्षाको तालिका पहिले नै निर्धारण भइसकेकाले आइतबार पनि विश्वविद्यालयमा नियमित पठनपाठन हुने जनाएको हो ।
विश्वविद्यालयको पाठ्यक्रम संरचना समेत ६ कार्य दिनलाई ध्यानमा राखेर निर्माण भइसकेका कारण विद्यार्थीहरुको पठनपाठन र विश्वविद्यालयबाट प्रदान गरिने स्वास्थ्य सेवालगाएत अन्य सुविधाहरु नियमीत रुपमा सञ्चालन हुने सूचनामा उल्लेख छ ।
टियूले अर्को सूचना जारी नभएसम्म साबिक बमोजिम आइतबार पनि विश्वविद्यालयका सेवाहरु सञ्चालन रहने जानकारी दिएको हाे ।
सरकारले पेट्रोलियम खर्च बचतका लागि हप्तामा दुई दिन (आइतबार पनि) सार्वजनिक बिदा दिने निर्णय गरेको थियो ।