साताको दोस्रो दिन सोमबार सेयर बजार ओरालो लागेको छ । नेप्से ९.७५ अंकले घटेर २ हजार ७६.६७ विन्दुमा पुगेको छ ।
आज बैंकिङ १, विकास बैंक ५२, फाइनान्स ६, होटल तथा पर्यटन ४६, जलविद्युत् १३, उत्पादन ४५, माइक्रोफाइनान्स ६० र अन्य उपसमूह २७ अंक घटे । ब्यापार १०४, निर्जीवन बीमा ४८ र जीवन बीमा ५५ अंक बढेको छ ।
यस दिन सीवाईसी लघुवित्त र ङादी ग्रुपको मूल्य १० प्रतिशतले बढेको छ भने युनियन र ग्रिन लाइफ हाइड्रोको सेयर ६ प्रतिशतभन्दा धेरैले घटेको छ ।
आज २३४ कम्पनीको एक करोड नौ लाख कित्ता सेयर चार अर्ब ३४ करोड रुपैयाँमा कारोबार भएको छ । सबैभन्दा धेरै शिवम् सिमेन्ट्सको १७ करोड ५८ लाख र हिमालयन डिष्टिलरीको १६ करोड ९० लाख रुपैयाँको सेयर किनबेच भयो ।
