आइतबार सेयर बजार दोहोरो अंकले बढेको छ। सेयर बजार परिसूचक नेप्से १०.२७ अङ्कले बढेर २ हजार १२३.८२ विन्दुमा पुगेको छ ।
बैंकिङ ०.२, विकास बैंक ५२, फाइनान्स ३३, होटल तथा पर्यटन ६०, जलविद्युत् २६, उत्पादन २, माइक्रोफाइनान्स २७, निर्जीवन बीमा ०.७५ र ब्यापार ३८ अंकले बढेको छ । यस्तै, जीवन बीमा भने ४ अंकले घट्यो ।
आज मनकामना स्मार्ट लघुवित्तको सेयर १० प्रतिशतले बढेको छ भने तेह्रथुम पावर र उपकार लघुवित्तको सेयर नौ प्रतिशतभन्दा धेरैले बढेको छ । यस्तै, आज नयाँ सारथी लघुवित्त, साम्लिङ पावर र ग्रामीण विकास लघुवित्तको सेयर तीन प्रतिशतभन्दा धेरैले घटेको छ ।
यस दिन २१९ कम्पनीको ६१ लाख कित्ता सेयर दुई अर्ब ६७ करोड रुपैयाँमा कारोबार भएको छ । सबैभन्दा धेरै शिवम् सिमेन्ट्सको १३ करोड ८९ लाख रुपैयाँको सेयर किनबेच भयो ।
