सोमबार सेयर बजार दोहोरो अंकले घटेको छ । सेयर बजार परिसूचक नेप्से १५.६१ अंकले घटेर एक हजार ९५०.३७ विन्दुमा पुगेको छ ।
आज बैंकिङ १०, विकास बैंक ४८, फाइनान्स २४, होटल तथा पर्यटन १६, जलविद्युत् २५, माइक्रोफाइनान्स १५, अन्य १६, जीवन बीमा उपसमूह ६४, उत्पादन ७४, र निर्जीवन बीमा उपसमूह १३ अंकले घटेको छ । त्यस्तै, आज व्यापार उपसमूह २ र म्यूचुअल फन्ड ०.३३ अंकले बढेको छ ।
आज सबैभन्दा सिनर्जी पावर डेभलप्मेन्ट र ओरियन्टल होटल्स लिमिटेडको सेयर ४ प्रतिशत भन्दा धेरैले घटेको छ । समग्रमा बजार घटेपनि आज खप्तड लघुवित्त वित्तिय संस्थाको सेयर ८ प्रतिशतले बढेको छ ।
यस दिन २३६ कम्पनीको ३७ लाख कित्ता सेयर एक अर्ब ४९ करोडमा कारोबार भएको छ ।
