नेपाल राष्ट्र बैंकले नियम उल्लघंन गर्ने नौ वाणिज्य बैंकलाई कारवाही गरेको छ ।
राष्ट्र बैंकले विपन्न वर्ग कर्जामा तोकिएको सीमा अनुसार लगानी नगरेपछि बैंक अफ काठमाण्डू (बिओके) लाई दुई करोड ११ लाख रूपैयाँ जरिवाना गरेको छ । यस्तै, सम्पत्ति शुद्धिकरणसम्बन्धी ऐनको पालना नगरेको कृषि विकास बैंकले २० लाख रूपैयाँ जरिवाना तिरेको छ ।
त्यस्तै, प्रभु, बिओके, कुमारी, प्राइम कमर्सियल बैंकले रोक्का राख्न भनिएको खाताहरूमा कारोबार गरेपछि प्रमुख कार्यकारी अधिकृतहरूलाई सचेत गराइएको छ ।
हिमालयन, सनराइज, ग्लोबल आइएमई र मेगा बैंकले ऋणीहरूलाई कर्जाको प्रिमियम दरमा परिवर्तन गरेको कारण राष्ट्र बैंकले प्रमुख कार्यकारी अधिकृतहरूलाई सचेत गराएको हो ।
