नेपाली बजारमा आज पनि सुनचाँदीको मूल्य बढेको छ ।
नेपाल सुनचाँदी व्यवसायी महासंघका अनुसार आज सुन प्रतितोला चार सय रुपैयाँले बढेर ९९ हजार ५०० रूपैयाँमा कारोबार भइरहेको छ । यस्तै, तेजाबी सुनको मूल्य प्रतितोला ९९ हजार रूपैयाँ कायम भएको छ ।
महासंघका अनुसार आज चाँदीको मूल्य पनि तोलामा २५ रुपैयाँले बढेको छ । शुक्रबार प्रतितोला १३ सय ४५ रूपैयाँमा कारोबार भएको चाँदी आज २५ रूपैयाँले बढेर १३ सय ७० रूपैयाँमा कारोबार भइरहेको छ ।
