बिहिबार सेयर बजार सामान्य अंकले घटेको छ । सेयर बजार परिसूचक नेप्से ६.९० अंकले घटेर एक हजार ९२६.४० विन्दुमा पुगेको छ ।
बैंकिङ६, विकास बैंक १५, फाइनान्स ०.०८, जीवन बीमा ६१, उत्पादन ४९, माइक्रोफाइनान्स ३७ र अन्य उपसमूह ५ अंकले घटेको छ । यस्तै, होटल तथा पर्यटन २६, जलविद्युत् ६, निर्जीवन बीमा २ र ब्यापार उपसमूह २ अंकले बढेको छ ।
आज सबैभन्दा धेरै सानिमा ग्रोथ फन्डको सेयर साढे आठ प्रतिशतले घटेको छ । समग्रमा बजार घटेपनि आज मानुषी लघुवित्त, यूनिक नेपाल लघुवित्त र शुभम पावर लिमिटेडको सेयर १० प्रतिशतले बढेको छ ।
यसदिन २५९ कम्पनीको ३१ लाख ६३ हजार कित्ता सेयर एक अर्ब ६ करोड रुपैयाँमा कारोबार भएको छ ।
