मंगलबार सेयर बजार दोहोरो अंकले बढेको छ । सेयर बजार परिसूचक नेप्से १२.४१ अंकले बढेर एक हजार ९१८.४१ विन्दुमा पुगेको छ ।
बैंकिङ ३, होटल तथा पर्यटन १३, जलविद्युत् ६, जीवन बीमा ३९, उत्पादन ८१, माइक्रोफाइनान्स ११५, ब्यापार २२ र अन्य उपसमूह ७ अंकले बढेको छ । यस्तै, विकास बैंक ११, फाइनान्स ५ र निर्जीवन बीमा उपसमूह १० अंकले घटेको छ ।
आज सुपर माई हाइड्रोपावर, सिर्जनशील लघुवित्त र एशियन हाइड्रोपावरको सेयर १० प्रतिशतले बढेको छ । समग्रमा बजार बढेपनि आज तेह्रथूम पावर कम्पनीको सेयर तीन प्रतिशत भन्दा धेरैले घटेको छ ।
यसदिन २५८ कम्पनीका ४० लाख ७७ हजार कित्ता सेयर एक अर्ब ४४ करोड रुपैयाँमा कारोबार भएको छ ।
