मंगलबार सेयर बजारमा हरियाली छाएको छ । सेयर बजार परिसूचक नेप्से ५१.३१ अंकले बढेर एक हजार ९४२.६३ विन्दुमा पुगेको छ ।
बैंकिङ २१, विकास बैंक ८२, फाइनान्स ४९, होटल तथा पर्यटन १२८, जलविद्युत् ६४, जीवन बीमा ३६५, उत्पादन १८३, माइक्रोफाइनान्स १३७, निर्जीवन बीमा ३५५, व्यापार ८० र अन्य उपसमूह ३१ अंकले बढेको छ।
आज सबैभन्दा धेरै कालिका लघुवित्त, खप्तड लघुवित्त, आत्मनिर्भर लघुवित्त र सामुदायिक लघुवित्तको सेयर १० प्रतिशतले बढेको छ । यस्तै, रिभर फल्स पावर र अजोड इन्स्योरेन्सको सेयर ८ प्रतिशत बढेको छ ।
यस दिन २७१ कम्पनीको ६० लाख ६७ हजार कित्ता सेयर २ अर्ब २० करोडमा कारोबार भएको छ ।
