हिमाल दोलखा हाइड्रोपावरको हकप्रद सेयर बिक्री खुला भएको छ। कम्पनीले हाल कायम चुक्ता पुँजीको ७५ प्रतिशत हकप्रद सेयर निष्कासन गरेको हो।
कम्पनीले हाल कायम १ कित्ता सेयर बराबर नयाँ ०.७५ कित्ता सेयर निष्कासन गरेको छ। जस अनुसार कम्पनीले १ अर्ब २० करोड रुपैयाँ बराबरको प्रतिसेयर १०० रुपैयाँ अंकित मूल्यका १ करोड २० लाख कित्ता हकप्रद सेयर निष्कासन गरेको छ।
हकप्रद सेयर प्रयोजनका लागि कम्पनीले वैशाख २७ गते बुक क्लोज गरिसेको छ। बुक क्लोजको आधारमा वैशाख २६ गतेसम्म कायम सेयरधनीहरूले उक्त हकप्रद सेयरका लागि आवेदन दिन सक्नेछन्।
उक्त हकप्रद सेयरमा असार १० गतेसम्म आवेदन दिन सकिन्छ। कम्पनीको सेयर निष्कासन तथा बिक्री प्रबन्धक लक्ष्मी क्यापिटल मार्केट रहेको छ।
