आइतबार सेयर बजारमा हरियाली छाएको छ । सेयर बजार परिसूचक नेप्से ६२.२१ अंकले बढेर दुई हजार ११७.७३ विन्दुमा पुगेको छ ।
बैंकिङ १२, विकास बैंक १७४, फाइनान्स ९८, होटल तथा पर्यटन ९३, जलविद्युत् ४६, जीवन बीमा ८९१, उत्पादन २३७, माइक्रोफाइनान्स ६८, निर्जीवन बीमा ६६६, अन्य ७९ र ब्यापार १३१ अंक बढेको छ ।
आज सबैभन्दा धेरै लाइफ इन्स्योरेन्स कर्पोरेसन, हिमालयन लाइफ, सामलिङ पावर, बीपीडब्लु लघुवित्त, सिटी होटल र शिवम् सिमेन्टको मूल्य १० प्रतिशत बढेको छ । समग्रमा बजार बढे पनि आज शुभम् पावर लिमिटेडको सेयर झण्डै ७ प्रतिशतले घटेको छ ।
यस दिन २७५ कम्पनीको एक करोड ४७ लाख कित्ता सेयर ६ अर्ब ४९ करोडमा कारोबार भएको छ ।
