जनादेश, काठमाडौँ ।
छिट्टै रिलिज हुने क्रममा रहेको बलिउड फिल्म ‘सडक टु’ को ट्रेलर पछि सार्वजनिक गीत ‘तुम से ही’ गीतमा डिस्लाईकको ओइरो लागेको छ ।
युट्युमा सार्वजनिक गरिएको सो गीतमा लाखौँ दर्शकले डिस्लाइक गरेका छन् । यस अघि सार्वजनिक गरिएको फिल्मको ट्रेलर मा समेत लाखौँको डिस्लाइक आएको छ । बलिउडका अभिनेता सुशान्त सिंह राजपुतले आत्महत्या गरेसँगै बलिउडमा नपोेटिजमको कुरा उठेको थियो । बलिउडमा हुने गरेको नेपोटिजम कै कारण सुशान्तले आत्महत्या गरेको धेरै जसो दर्शकको भनाइ रहेको छ । सुशान्तको आत्महत्याबारे दिनशु नयाँ तथ्य सार्वजनिक भइरहेको छ । यससँगै घटनाको समेत अनुसन्धान चलिरहेको छ ।
बलिउडमा क्षमतालाई भन्दा सेलिब्रेटी किडलाई प्राथमिकता दिइने गरेको स्वयम केही कलाकारले समेत बताएका छन् । सुशान्तको आत्महत्यापछि धेरै जसो मानिसले सेलिब्रेटी किडलाई बहिस्कार गर्ने जनाएका छन् ।
