चन्द्रप्रकाश नेपाली,
घोराही । घोराही उपमहानगरपालिकाले नगरलाई खरको छानो मुक्त बनाउने अभियान अन्तरगत ३ सय २३ घरलाई निशुल्क टिन वितरण गरेको छ ।
वडा नम्बर १६ लाई खरको छानो मुक्त गरि टिनको छानो युक्त बनाई सकेको घोराही उपमहानगरपालिकाले अबको दुई बर्ष भित्र नगरका सबै खरका छानामा टिन लगाउने योजना बनाएको हो ।
वितेको आर्थिक बर्षमा उपमहानगरले वडा नम्बर १ मा ७०, वडा नम्बर ४ मा एक सय १६, वडा नम्बर ७ मा ३७, वडा नम्बर १२ मा २५, वडा नम्बर १३ मा ३२, वडा नम्बर १७ मा २४ र वडा नम्बर १९ मा २० घर गरी ३ सय २३ घरलाई निशुल्क टिन उपलब्ध गराएको हो । टिन खरिदका लागि वडा र नगरको ५०/५० प्रतिशत बजेट खर्च भएको छ ।
