जनादेश, धनकुटा ।
धनकुटाका स्वास्थ्यकर्मीमा कोरोना संक्रमण पुष्टि भएको छ ।
आज सहिदभूमी गाउँपालिकामा कार्यरत एक ४५ बर्षीय पुरुष स्वास्थ्यकर्मीमा कोरोना संक्रमण पुष्टि भएको हो । १६ जनाको स्वाब संकलन गरी कोरोना परीक्षणका लागि धरानस्थित बीपी कोईराला स्वास्थ्य बिज्ञान प्रतिष्ठान पठाईएको थियो । सो रिपोर्टमा एक स्वास्थ्यकर्मीमा कोरोना पोजिटिभ पुष्टि भएको हो ।
यसअघि पनि धनकुटा जिल्ला अस्पतालमा कार्यरत स्वास्थ्यकर्मीमा कोरोना संक्रमण देखिएको थियो । धनकुटामा हालसम्म कोरोना संक्रमण पुष्टि हुनेको संख्या १८ पुगेको छ । जसमध्ये १६ जना निको भएर घर फर्किएका छन् ।
