जनादेश, काठमाण्डौः
सेयर बजारमा नगद कारोबार गर्न नपाइने भएको छ । नियामक निकाय नेपाल धितोपत्र बोर्डको निर्देशन भन्दै ब्रोकरहरुको छातासंगठन स्टक ब्रोकर्स एसोसिएसनले अनिवार्य रुपमा विद्युतीय माध्यमबाट मात्र सेयर कारोबारमा भुक्तानी गर्न आग्रह गरेको छ ।
‘व्यवसायी र लगानीकर्ताबीच हुने कारोबारको रकम लेनदेन विद्युतीय माध्यमबाट मात्र गर्न भनिएकाले अब उप्रान्त धितोपत्र दलाल व्यवसायीहरुले विद्युतीय माध्यमबाहेकबाट भुक्तानी लिन नसक्ने अवस्था रहेको प्रस्ट पार्न चाहन्छौं,’ संघले जारी गरेको विज्ञप्तिमा भनिएको छ ।
धितोपत्र खरिद गर्न चाहने लगानीकर्ताले अनलाइन बैंकिङ, कनेक्ट आईपीएसलगायत इन्टरनेट तथा विद्युतीय भुक्तानी प्रणालीहरुमा आबद्ध हुन पनि संघले भनेको छ ।
