बुधबार सेयर बजार दोहोरो अंकले घटेको छ । सेयर बजार परिसूचक नेप्से ३५.३७ अंकले घटेर दुई हजार १५०.९९ विन्दुमा पुगेको छ ।
बैंकिङ १९, विकास बैंक ९७, फाइनान्स ५८, होटल तथा पर्यटन १५६, जलविद्युत् ५०, माइक्रोफाइनान्स १२८, अन्य ५२, उत्पादन ८८, निर्जीवन बीमा ५९ र ब्यापार उपसमूह ६६ अंकले घटेको छ । यस्तै, जीवन बीमा ३०४ अंकले बढेको छ ।
आज इङ्वा हाइड्रोपावरको सेयर साढे ६ प्रतिशत भन्दा धेरैले घटेको छ । समग्रमा बजार घटेपनि आज हिमालयन लाईफ इन्स्योरेन्स, बीपीडब्लु लघुवित्त र सिटी होटलको सेयर १० प्रतिशतले बढेको छ ।
यस दिन २८० कम्पनीको एक करोड ३३ लाख कित्ता सेयर ५ अर्ब ९७ करोडमा कारोबार भएको छ ।
