शुक्रबार नेपाली बजारमा सुनचाँदीको मूल्य घटेको छ ।
नेपाल सुनचाँदी व्यवसायी महासंघका अनुसार आज सुन तोलामा ८ सय रुपैयाँले घटेर १ लाख १२ हजार ८ सय रुपैयाँ पुगेको छ । त्यस्तै, तेजावी सुनको मुल्य प्रतितोला १ लाख १२ हजार २५० रुपैयाँ कायम भएको छ । बिहीबार सुन हालसम्मकै उच्च १ लाख १३ हजार ६ सय रुपैयाँ प्रतितोलामा कारोबार भएको थियो ।
महासंघका अनुसार आज चाँदी पनि तोलामा १५ रुपैयाँले घटेको छ । आज चाँदी प्रतितोला १४ सय ८० रुपैयाँमा किनबेच भइरहेको छ ।
