काठमाडौँ । बिहिबार सेयर बजार परिसूचक नेप्से ५९.६८ अंकले बढेर दुई हजार ४२४.३२ विन्दुमा पुगेको छ ।
बैंकिङ ८०, विकास बैंक ६३, होटल तथा पर्यटन ६३, जीवन बीमा १४६, माइक्रोफाइनान्स १३९, निर्जीवन बीमा १२३, अन्य ४०, व्यापार १२ र उत्पादन उपसमूह ८३ अंकले बढेको छ । त्यस्तै, आज फाइनान्स ३५ र हाइड्रोपावर उपसमूह ०.२२ अंकले घटेको छ ।
आज नेपाल इन्भेस्टमेन्ट मेगा बैंक, नेपाल फाइनान्स, आखुखोला जलविद्युत्, उपकार लघुवित्त र थ्रीस्टार हाइड्रोपावरको सेयर १० प्रतिशतले बढेको छ । समग्रमा बजार बढेपनि आज कुमारी सबल योजनाको सेयर साढे ५ प्रतिशत भन्दा धेरैले घटेको छ ।
यस दिन ३१२ कम्पनीको ३ करोड ९९ लाख कित्ता सेयर १५ अर्ब ५४ करोडमा कारोबार भएको छ ।
