चन्द्रप्रकाश नेपाली ।
जिल्ला प्रशासन कार्यालय दाङका एक जना कर्मचारीमा कोरोना संक्रमण पुष्टि भएको छ ।
प्रशासनमा रहेको जिल्ला आपतकालिन कार्य सञ्चालन केन्द्रमा कार्यरत एक अधिकृतलाई कोरोना भाइरसको संक्रमण पुष्टि भएको हो ।
गत शुक्रबार विदामा घर गएको र चितवनमा पिसिआर जाँच गर्दा कोरोना भाइरसको संक्रमण पुष्टि भएको हो । शनिबार ज्वरो आएपछि हिजो स्वाब जाँच गर्दा आज कोरोना देखिएको हो ।
यसैविच जिल्ला प्रशासन कार्यालय दाङले भोली देखी शान्ति सुरक्षा र मुद्धाको काम बाहेक अन्य सेवाहरु बन्द गरिएको जनाएको छ ।
प्रमुख जिल्ला अधिकारी गोविन्द रिजालले आज एक सूचना जारी गरि अर्को सूचना जारी नभए सम्मका लागि अत्याबस्यक बाहेक अन्य सेवाहरु रोकिएको जानकारी दिनुभएको छ ।
प्रशासनले अब कार्यालयका कर्मचारीहरुको पिसिआर जाँच गर्ने समेत तयारी गरेको छ ।
