जनादेश, काठमाडौं ।
शिक्षा विज्ञान तथा प्रविधि मन्त्री गिरिराजमणी पोखरेलले निजी विद्यालयले अनलाईन कक्षा सञ्चालन गरेवापतको शुल्क लिन पाउने बताएका छन् ।
आज बसेको भर्चुअल बैठकमा पोखरेलले शुल्कबारे व्यवस्था मिलाउन स्थानीय निकायलाई आग्रह गरेका छन् । उनले भने-‘ निजी लगानीका विद्यालयले न्युनतम सिकाइ सुनिश्चित गरेपछि शुल्क लिन पाउनुपर्छ ।’
साढे चार महिना कक्षा नभएको अवस्थामा वैकल्पिक पद्धतीलाई मुल प्रवाहमा ल्याउन आग्रह गर्दै मन्त्री पोखरेलले केही सुमय यही माध्यमबाट पठन पाठन हुने बताएका छन् ।
यस्तै, मन्त्री पोखरेलले सबै शिक्षकलाई विद्यालय जाने वातावरण बनाउन स्थानीय निकायलाई निर्देशन दिएका छन् । केही दिनमा सिकाइ सहजीकरण निर्देशिका तयार गरी सोही अनुसार पठन पाठनको व्यवस्था गरिने पोखरेलले जानकारी दिए ।
यससँगैै उनले सबै विश्वविद्यालयलाई ६ महिनाको कोभिड केन्द्रीत क्यालेण्डर तयार गर्न आग्रह गरेका छन् ।