जनादेश संवाददाता
मौसम पूर्वानुमान महाशाखाले देशभरका नदीहरुमा पानीको बहाव बढेकाले सतर्क रहन आग्रह गरेको छ ।
जल तथा मौसम विज्ञान विभागको बाढी पूर्वानुमान महाशाखाले ठूला देखी सहायक नदीमा बहाव बढेको बताएको छ ।त्यस्तै केही नदीमा पानीको बहाव बढेर खतराको तहसम्म पुग्ने अनुमान छ ।
आज र भोलि बागमती, गण्डकी र प्रदेश ५ को मध्यपहाडी, चुरे र तराईबाट बग्ने साना नदीमा पनि आकस्मिक बहावको सम्भावना रहेको बाढी पूर्वानुमान महाशाखाले जनाएको छ ।
यता दाङमा नदी तथा खोलाहरुमा पनि बहाब बढेको छ । राप्ती र बबईमा बहाव बढ्दा नदि आसपासका नागरिकहरु त्रसित भएका छन् । केही दिन भारी बर्षा हुने अनुमान भएकाले सबै नागरिकहरुलाई सतर्क रहन जिल्ला विपत व्यवस्थापन समिति दाङले आग्रह गरेको छ ।
