चन्द्रप्रकाश नेपाली, घोराही ।
दाङमा चालु आर्थिक वर्षको २ महिनामा ५ हजार ५ सय ३५ सवारी चालक कारवाहीमा परेका छन ।
जिल्ला ट्राफिक प्रहरी कार्यालय दाङका प्रमुख प्रेमप्रसाद रेग्मीका अनुसार ट्राफिक नियम विपरित सवारी चलाउने ५ हजार ५ सय ३५ सवारी चालक कारवाहीमा परेका हुन् ।
उहाँका अनुसार चालु आर्थिक वर्षको २ महिनामा सबै भन्दा बढी मोटरसाइकल चालक २ हजार ३ सय ८ वटा कारवाहीमा परेका छन । साउन महिनामा १ हजार ४ सय २५ मोटरसाइकल चालक कारवाहीमा परेका छन ।
त्यस्तै बस १ सय २१, ट्रक ८ सय ६७, जिपकार ४ सय २६, ट्याक्टर २ सय ९६ र अटो/टेम्पु ४ सय १५ गरि साउन महिनामा ३ हजार ५ सय ५० सवारी चालक कारवाहीमा परेको ट्राफिक प्रमुख रेग्मीले जानकारी दिएका छन् ।
त्यस्तै भदौ महिनामा मोटरसाइकल ८ सय ८३,बस ६७, ट्रक ३ सय ७७, जिपकार २ सय ७१, ट्याक्टर १ सय ३६ र अटो २ सय ९१ गरि १ हजार ९ सय ८५ सवारी चालक कारवाहीमा परेको जिल्ला ट्राफिक प्रहरी कार्यालय दाङका प्रमुख रेग्मीले जानकारी दिएका छन् ।
