एजेन्सी ।
युएईमा शनिबार सुरु भएको इन्डियन प्रिमियर लिग (आईपीएल)को तेह्रौं संस्करण अन्तर्गत आजको खेलमा दिल्ली क्यापिटल्स र किङ्स इलाभेन पञ्जाबबीच खेल हुँदैछ । खेल नेपाली समय अनुसार साँझ ७: ४५ बजे दुबई अन्तर्राष्ट्रिय क्रिकेट रंगशालमा सुरु हुनेछ ।
नेपाली लेग स्पीनर सन्दीप लामिछाने आबद्ध टिम दिल्ली क्यापिटल्सले आजको खेलमा सन्दीपलाई प्लेइङ एघारमा समेट्छ कि समेट्दैन हेर्न बाँकी छ ।
गत सिजनमा सन्दीपको टिम क्वालिफायरमा चेन्नई सुपर किङ्ससँग पराजित भएको थियो । यद्यपि सन्दीपको व्यक्तिगत प्रदर्शन सन्तोषजनक नै थियो ।
यद्यपि दिल्लीको प्लेइङ एघारमा पर्न सन्दीपलाई सजिलो छैन । दिल्लीमा सन्दीपसँगै अन्य स्पीनरहरू अमित मिश्रा, रवीचन्द्रन आश्विन र अक्षर पटेल रहेका कारण उनलाई प्लेइङ स्क्वाडमा पर्न सजिलो नभएको जानकारहरु बताउँछन् ।
यसअघि क्यारेवियन प्रिमियर लिगमा सन्दीप सम्मिलित टिम सेमिफाइनलमा पराजित भएको थियो ।
यो पनि हेर्नुस्- चिनियाँसँग मिलेर जासूसीमा संलग्न भएको आरोपमा दिल्लीमा समातिए नेपाली
