चन्द्रप्रकाश नेपाली
घोराही। घोराही उपमहानगरपालिका वडा नम्बर १६ को करौती डाँडामा दाङकै ठूलो तथा अन्तर्राष्ट्रियस्तरको रंगशाला निर्माण हुने भएको छ । झण्डै ८५ बिघा क्षेत्रफलमानिर्माण हुने यो परियोजनाको कुल लागत झण्डै तीन अर्ब रुपैयाँ लाग्ने जनाइएको छ ।
विस्तृत परियोजना प्रतिवेदन (डीपीआर) माथि सरोकारवालाबीच घोराहीमा भएको छलफलमा निर्माण हुन लागेको नेत्रलाल अभागी रंगशाला प्रदेश सरकारको गौरवको योजनामा परेको जानकारी गराइएको थियो ।
घोराहीमा भएको छलफलका सहभागीहरुले विस्तृत परियोजना प्रतिवेदनमा फुटबल मैदानसहितको बहुउद्देश्यीय रंशाला निर्माणको लागत दुई अर्ब ४८ करोड ५५ लाख रुपैयाँ अनुमान गरिएको छ ।
अन्तर्राष्ट्रियस्तरका खेलकुद आयोजनासमेत गर्न सक्ने गरी निर्माण गर्न लागिएको रंगशालामा आउट डोर र इन्डोर खेल हुने प्रतिवेदनमा उल्लेख गरिएको छ ।अत्याधुनिक पार्क, चमेना गृह, प्रशासनिक भवनलगायत ड्रेसिङ रूमसहितको एकीकृत रुपमा बनाउन लागिएको यो बहुउद्देश्यीय रंगशालामा २५ हजार दर्शक क्षमताको अत्याधुनिक फुटबल मैदान पनि हुने विस्तृत परियोजना प्रतिवेदनमा उल्लेख छ ।
स्विमिङ पुल, कभर्ड हल, जीम, एथ्लेटिक्सलगायतको पूर्वाधार पनि त्यही बनाउने तयारी भएको छ । प्रदेश सरकारले यो परियोजनाको लागि चालु आर्थिक बर्षका लाष् ि७ करोड रुपैयाँ विनियोजन गरेको छ ।विक्रम सम्बत २०८० सम्ममा रंगशालाको निर्माण सक्ने लक्ष्य लिइएको छ ।
