एजेन्सी ।
इन्डियन प्रिमियर लिग आइपीएल क्रिकेटमा आज सन्दिप लामीछाने सम्मिलित टोली दिल्ली क्यापीटल्स र सनराइजर्स हैदराबादबीच प्रतिस्पर्धा हुँदैछ ।
अबुधावीस्थित शेख जाइद स्टेडियममा खेल नेपाली समय अनुसार राती पौने ८ बजे सुरु हुनेछ । प्रतियोगितामा शीर्ष स्थानमा रहेको दिल्ली तेस्रो जित निकाल्ने योजनाका साथ मैदान उत्रिनेछ भने पुछारमा रहेको हैदराबाद पहिलो जित चाहन्छ ।
यस अघि दिल्लीले चेन्नई सुपर किंग्सलाई ४४ रन र किंग्स इलेभने पन्जाबलाई सुपर ओभरमा पराजित गरेको थियो । यता हैदराबाद रोयल च्यालेन्जर्स बैंगलोरसंग १० रनले र कोलकता नाइट राइडर्ससंग ७ विकेटले पराजित भएको थियो । श्रेशय ऐरको कप्तानीमा रहेको दिल्लीमा शिखर धवन, पृथ्वी सह, रिषव पन्थ, शिमरन हेटमेर,मारकर्स स्टोइनीस लगायतका खेलाडी रहेका छन् । यस्तै डेभीड वार्नरको कप्तानीमा रहेका हैदराबादमा जोनी बेरस्ट्रो,मनिश पान्डे,राशीद खान लयाताका खेलाडी रहेका छन् ।
आजको खेलमा सन्दीप प्लेइङ एलेभेनमा पर्ने नपर्ने अझै स्पष्ट छैन । यसअघि दुई खेलमा सन्दीपलाई बेन्चमा रखिएको थियो ।
दुई टोली बिच भएका पछिल्ला ५ भेटमा हैदराबादले ३ जित्दा दिल्लीले २ खेल जितेको थियो । गत संस्करणमा भने दिल्लीले २ खेलमा जित निकालेको थियो भने हैदराबादले १ खेल जितेको थियो । यस अघि हिजो भएको खेलमा मुम्बई इन्डियन्सलाई सुपर ओभरमा पराजित गर्दै रोयल च्यालेन्जर्स बैंगलोरले प्रतियोगितामा दोस्रो जित दर्ता गरेको थियो ।
