एजेन्सी ।
जर्मन बुन्डेसलिगामा बोरुसिया डर्टमण्डले सहज जीत हात पारेको छ । घरेलु मैदानमा गएराति भएको खेलमा डर्टमुन्डले फ्राइबर्गलाई ४–० गोल अन्तरले पराजित गरेको हो ।
डर्टमण्डको जितमा अर्लिङ हालाण्डले दुई गोल गरे भने इम्री कान र फेलिक्स पास्लकले एक एक गोल गरे ।
जितसँगै डर्टमण्ड तालिकाको दोस्रो स्थानमा उक्लिएको छ । डर्टमण्डले ३ खेलमा २ जितसहित ६ अंक जोडेको छ । फ्राइबर्ग ३ खेलमा ४ अंक जोडेर ११ औं स्थानमा छ ।
अर्को खेलमा आइनट्राख्ट फ्रान्कफर्टले होफेनहाइमलाई २–१ ले हराएर शीर्ष स्थानमा उक्लिएको छ ।
अन्य खेलमा बोरुसिया मन्छेनग्लाडबाखले कोल्नलाई ३–१ ले पराजित गर्दा भेरडाआ ब्रेमेनले अर्मिनियालाई १–० ले हराएको छ भने बायार लेवरकुसनले स्टुटगार्डसँग १–१ गोलको बराबरी खेलेको छ ।
