एजेन्सी ।
अमेरिकी राष्ट्रपति डोनाल्ड ट्रम्पले चुनावी प्रचार अन्तर्गत विपक्षी दलका उम्मेद्ववार जो बाइडेनसँग दोश्रो टेलिभिजन बहसमा सहभागी नहुने बताएका छन् ।
ट्रम्पलाई कोरोना भाइरस संक्रमण भएका कारण भर्चुअल बहस गर्ने घोषणा भएपनि ट्रम्पले सहभागी हुन अनिच्छा व्यक्त गरेका हुन् ।
कोरोनाभाइरसबाट सङ्क्रमित भइ अस्पताल बसेर फेरि निवास फर्किएका ट्रम्पले आफू अझै उपचारकै क्रममा रहेको अर्को हप्ता हुने तय भएको बसहमा सहभागी हुन नचाहेको जानकारी दिएका हुन् ।
“म भर्चुअल बहसमा सहभागी हुन गइरहेको छैन,” फक्स न्युजसँग टेलिफोन कुराकानीमा राष्ट्रपति ट्रम्पले भने ।
राष्ट्रपतीय बहस आयोगले दोस्रो बहसको तयारी गरिरहेका बेला उनले यस्तो प्रतिक्रिया दिएका हुन् । उनीहरुका बीचमा पहिलो बहस अघिल्लो हप्ता भएको थियो ।
सो बहसमा ट्रम्पको प्रस्तुति राम्रो नभएको र अर्का प्रतिस्पर्थीले बाइडेनले धेरैको मन जितेको चर्चा भइरहेका बेला ट्रम्पले बहसमा सहभागी नहुने निर्णय लिएका हुन् । पहिलो बहस पछि गरिएका सर्वेक्षणमा बाइडेन ट्रम्प भन्दा अगाडि छन् ।
अमेरिकामा आगामी नोभेम्बर ३ तारिखका दिन हुने राष्ट्रपतीय निर्वाचनमा वर्तमान राष्ट्रपति ट्रम्प रिपब्लीकनको तर्फबाट र पूर्व राष्ट्रपति विडेन डेमोक्र्याटको तर्फबाट प्रतिश्पर्धा गर्न लागेका छन् ।
यो पनि हेर्नुस्- ट्रम्पले लेखेको स्ट्याटस फेसबुकद्वारा डिलिट, यस्तो छ कहानी