एजेन्सी ।
भारतका विवादित पत्रकार अर्नब गोस्वामी र उनको टेलिभिजन रिपब्लिक टिभीसहित तीन टेलिभिजनमाथि कारवाही हुने भएको छ ।
पैसा दिएर टेलिभिजन रेटिङ पोइन्ट टीआरपी बढाउने कार्य गरेको आरोपमा उनीहरुलाई कारवाही गर्न लागिएको मुम्बइ प्रहरीले जनाएको छ ।
मुम्बईका प्रहरी कमिस्नर परमविर सिंहले हालसम्म तीन टेलिभिजन च्यानलले टीआरपी कम्पनीलाई पैसा अफर गर्ने गरेको पत्ता लागेको बताए । रिपब्लिक टिभीले भने आरोपलाई अस्वीकार गरेको छ।
अर्नब गोस्वामीले प्रहरी कमिस्नर परमविर सिंहले रिपब्लिक टिभीविरुद्ध झुठो आरोप लगाएको र सुशान्त सिंह राजपुतको मामिलामा उनीविरुद्ध प्रश्न गरेपछि रिसाएको आरोप लगाएका छन् ।
अर्नवले प्रहरीविरुद्ध आपराधिक मानहानीको मुद्दा हाल्ने चेतावनी समेत दिएका छन् ।
Republic Media Network’s Editor-in-Chief Arnab Goswami’s statement pic.twitter.com/axhbJZ47eA
— Republic (@republic) October 8, 2020
मुम्बई प्रहरीका अनुसार बार्कले टीआरपीको काम गर्न हंसा नामको एक एजेन्सीलाई दिएको छ।
हंसा एजेन्सीका अधिकारीहरुले रिपब्लिकसहित केही टेलिभिजनसँग पैसा लिएर उनीहरुको टीआरपी बढाएको प्रहरीको भनाई छ ।
अर्नव नेपालविरुद्ध पनि अनेक हावादारी टीका टिप्पणी गरेर नेपालमा आलोचक कमाएका व्यक्ति हुन् । सीमा विवादको विषयमा उनले नेपालका नेताहरुसँग पनि अन्तर्वार्ता गरेका थिए ।
