जनादेश, काठमाडौं ।
आज देशभर थप ३ हजार ७९० जनामा कोरोना संक्रमण पुष्टि भएको छ । यससँगै कुल संक्रमितको संख्या १ लाख ३६ हजार ३६ पुगेको स्वास्थ्य तथा जनसंख्या मन्त्रालयले जनाएको छ ।
यस्तै, आज थप २ हजार ३३५ जना डिस्चार्ज भएसँगै कोरोना मुक्त हुनेको संख्या ९४ हजार ५०१ पुगेको मन्त्रालयका प्रवक्ता डा. जागेश्वर गौतमले जनाएका छन् । पछिल्लो २४ घण्टामा १५ हजार ७१४ जनाको पिसिआर परीक्षण गरिएको थियो जसमा ३ हजार ७९० जनामा कोरोना संक्रमण पुष्टि भएको हो ।
हालसम्म देशभर ४० हजार ७७८ जना सक्रिय संक्रमित छन्।
