एजेन्सी ।
भारतले आफ्नो कब्जामा रहेका चिनियाँ सैनिकलाई मुक्त गरेको छ । पुर्वी लद्दाखको डेमचोकबाट भारतीय सैनिकले चिनियाँ सैनिकलाई नियन्त्रणमा लिएको थियो । भारतीय सेनाले स्थापित आचारसंहिता अनुसार चिनियाँ सैनिकलाई चिनिया सेनलाई सुम्पेको बताएको छ ।
नियन्त्रणमा लिइएका चिनियाँ सैनिकलाई स्वास्थ्य, कपडा र अक्सिजन समेत प्रदान गरिएको भारतीय सेनाले जनाएको छ । गत जुनमा दुइ मुलुकका सैनिकबीच हिंस्रक झडप भएपछि सैन्य तनाब उत्कर्षमा पुगेको थियो । जुन १५ तारिख गलवान उपत्यकामा भएको झडपमा २० भारतीय सुरक्षाकर्मी मारिएका थिए ।
सिमामा बढ्दो तनाब मत्थर गर्ने उद्धेश्य अनुरुप दुइ मुलुकबीच विभिन्न चरणमा सैनिक स्तरिय वार्ता भइरहेको बेला पछिल्लो घटना बाहिरिएको हो । आफ्ना सैनिक कब्जामा परेपछि चिनियाँ सेनाले स्थापित प्रोटोकल अनुसार रिहा गर्न भारतीय सेनासँग आग्रह गरेको थियो । जनसेनाले विज्ञप्ती मार्फत गोठालोलाई सघाउ गर्ने क्रममा आफ्ना सैनिक बेपत्ता भएको जनाएको थियो ।