जनादेश, काठमाडौँ ।
स्वास्थ्य तथा जनसंख्या मन्त्रालयका प्रवक्ता डा. जागेश्वर गौतमले कोरोना नियन्त्रणमा सरकारले महत्वपूर्ण सफलता हात पारेको बताएका छन् ।
यस विषम परिस्थितिमा सरकारले स्वास्थ्य क्षेत्रमा रहेका सम्पूर्ण जनशक्तिलाई कोरोना नियन्त्रणमा केन्द्रित गराएको गौतमले बताए । मन्त्रालयको एक वर्षको उपलब्धि उल्लेख गर्दै प्रवक्ता गौतमले सो कुरा जनाएका हुन् ।
कोरोना परीक्षण क्षमतालाई समेत २५ हजार पुर्याएको साथसाथै अस्पताल बेडलगायत आपूर्ति व्यवस्थापनलाई समेत चुस्त बनाइएको उनले बताएका छन् ।
