जनादेश, काठमाडौं ।
सुनसरीमा सशस्त्र प्रहरी बल र तस्कर समूहबीच भएको झडपमा दुई जना घाइते भएका छन् ।
घाइते हुनेमा प्रहरीका जवान जीवराज विशंखे र तस्कर समूहका साहजब जट रहेको प्रहरीले जनाएको छ । हरिनगरा गाउँपालिका–७ जटबरास्थित दशगजामा भारतबाट अवैध रुपमा सामान ल्याउँदै गरेको समूहलाई बिओपी घुस्कीबाट खटिएको सशस्त्रको टोलीले नियन्त्रणमा लिन खोजेपछि झडप भएको हो ।
घाइतको धरानस्थित घोपा अस्पतालमा उपचार भइरहेको प्रहरीले जनाएको छ ।
