जनादेश, काठमाडौँ ।
बेवारिसे शव व्यवस्थापनमा संलग्न नेपालकी सपना रोका मगर बीबीसीको विश्वका एक सय प्रेरणादायी एवम् प्रभावशाली महिलाहरुको सूचीमा परेकी छिन् ।
सपना बीबीसीले यसवर्ष सार्वजनिक गरेको ‘बीबीसी १०० महिला’ को सूचीमा परेकी हुन् । म्याग्दीकी १९ वर्षीया सपना बेवारिसे शव व्यवस्थापनमा संलग्न छिन् ।
कलिलो उमेरमा नै उनले तीन सयभन्दा बढी बेवारिसे शवलाई दागबत्ति दिइसकेकी छिन् । बीबीसीको सूचीमा परेपछि उनले आफू गौरवान्वित भएको बताएकी छिन् ।