जनादेश, काठमाडौँ ।
आज देशभर थप १ हजार ३८० जनामा कोरोना संक्रमण पुष्टि भएको छ । यससँगै नेपालमा कोरोना संक्रमितको संख्या २ लाख ३० हजार ७२३ पुगेको स्वास्थ्य तथा जनसंख्या मन्त्रालयले जनाएको छ ।
यस्तै, पछिल्लो २४ घण्टामा थप १ हजार ५१५ जना डिस्चार्ज भएका छन् । पछिल्लो २४ घण्टामा ९ हजार ३६८ जनाको पिसिआर परीक्षण गरिएको मन्त्रालयले जनाएको छ ।
आज एकैदिन थप १९ संक्रमितको मृत्यु भएको छ । हालसम्म मृतकको संख्या १ हजार ४५४ पुगेको छ । हाल देशभर १८ हजार ८३ जना सक्रिय संक्रमित रहेका छन् ।
